Արտակարգ իրավիճակ՝ Բյուրեղավանում․ բնակիչները թունավորման ախտանիշներով դիմել են բուժհաստատություններ

Auroranews.am-ը բազմաթիվ ահազանգեր է ստացել Կոտայքի մարզի Բյուրեղավան քաղաքից։

Բնակիչների խոսքով խմելու ջրի հետ կապված լուրջ խնդիր կա, ըստ տեղի բնակիչների՝ կոյուղատար խողովակները պայթել են, որն էլ պատճառ է հանդիսացել խմելու ջրի ախտոտմանը։

Բազմաթիվ  քաղաքացիներ պոլիկլինիկա են դիմել են նույնատիպ գանգատներով՝ սրտխառնոց, փսխում, փորլուծություն, ջերմության բարձրացում։

Auroranews.am-ը կապ հաստատեց տեղի բուժհաստատության հետ։ Մեզ հետ զրույցում նշեցին, որ քաղաքացիները դիմում են տարբեր գանգատներով՝  փսխում, փորլուծություն, սրտխառնոց,  ջերմության բարձրացում։ 

«Այս պահին անհրաժեշտ բուժօգնություն է ցուցաբերվում քաղաքացիներին»,- հայտնեցին բուժհաստատությունից։

 Auroranews.am-ը կապ հաստատեց նաև  Առողջապահության նախարարության հետ․

«Առողջապահության նախարարության խոսնակի խոսքով՝ նշված համայնքում ունեցել են շտապօգնության կանչեր՝ ընդհանուր թուլության, փսխման և ջերմություն գանգատներով: Անհապաղ «Հիվանդությունների վերահսկման և կանխարգելման ազգային կենտրոն»-ի մասնագետների կողմից իրականացվել է համաճարակաբանական հետազոտություն և նմուշառում: Այդ գործընթացը հիմա էլ ընթացքի մեջ է, արդյուքների մասին լրացուցիչ տեղեկություն կտրվի: Ծանր դեպքեր այս պահին չկան»,- ասել է Առողջապահության նախարարության խոսնակը։