Իլիան նոկաուտի կենթարկի Ծառուկյանին․ UFC մարտիկ

UFC մարտիկ Մերաբ Դվալիշվիլին ներկայացրել է իր տեսակետը թեթև քաշային կարգի չեմպիոն Իլիա Թոփուրիայի և Արման Ծառուկյանի հավանական հանդիպման վերաբերյալ։

Վրացի մարտիկ Մերաբ Դվալիշվիլին անդրադարձել է կազմակերպության թեթև քաշային կարգի չեմպիոն, իր հայրենակից Իլիա Թոփուրիայի և հայազգի մարտիկ Արման Ծառուկյանի հնարավոր առճակատմանը։

Դեմետրիուս Ջոնսոնին տված հարցազրույցում Դվալիշվիլին նշել է. «Ես հարգում եմ Արման Ծառուկյանին. նա բարձրակարգ մարզիկ է և հիանալի մարտիկ։ Բայց եթե Արմանը մենամարտի Իլիայի հետ, ապա Թոփուրիան իր մարտաոճի շնորհիվ կհաղթի նրան։ Իլիային հնարավոր չէ տապալել գետնին, նրա հետ ըմբշամարտի բռնվելն անիմաստ է։ Այդ դեպքում Արմանը ստիպված կլինի բռնցքամարտել, իսկ Իլիան պարզապես նոկաուտի կենթարկի նրան»։