Արման Ծառուկյանը խեղդող հնարքով հաղթեց Մուհամմադ Մոկաևին

Մարտի 11-ի լույս 12-ի գիշերը Բրազիլիայի Ռիո դե Ժանեյրո քաղաքում անցկացված Hype Brazil գրեփլինգի մրցաշարում տեղի է ունեցել երեկոյի գլխավոր մենամարտը, որտեղ ուժերը չափել են ռուսաստանցի մարզիկներ Արման Ծառուկյանը և Մուհամմադ Մոկաևը։

Մենամարտը անցկացվել է Submission Only կանոններով և նախատեսված էր առավելագույնը 10 րոպե տևողությամբ։ Սահմանված ժամանակի ավարտից մոտ երեք րոպե առաջ Ծառուկյանը կարողացել է կիրառել խեղդող հնարք՝ ստիպելով մրցակցին հանձնվել։

Այսպիսով Արման Ծառուկյանը գրանցել է հաղթանակը և դարձել է գլխավոր մենամարտի հաղթողը։

Նույն մրցաշարի շրջանակում կայացել է նաև գրեփլինգի մեկ այլ հանդիպում, որտեղ ռուսաստանցի Շարա Բուլետ մականունով հայտնի Շարաբուտդին Մագոմեդովը մրցել է բրազիլացի Էդսոն Բարբոզայի հետ։ Այդ մենամարտը ավարտվել է ոչ-ոքի արդյունքով։