Ասիայի խոշորագույն աղի լիճը սկսել է վերականգնվել

Ասիայի խոշորագույն աղի լիճը՝ Իրանում գտնվող Ուրմիան, վերջին անձրևների շնորհիվ կենդանացել է՝ վերածվելով զբոսաշրջիկների և տեղացիների հանգստի վայրի։

Ինչպես տեղեկացնում է IRNA-ն, Իրանի տարածքում գտնվող Ասիայի ամենամեծ աղի լիճը՝ Ուրմիան, վերջին տեղումներից հետո կենդանության նշաններ է ցույց տալիս և դարձել է հանգստի գոտի զբոսաշրջիկների ու տեղի բնակիչների համար։

Նախկինում հաղորդվել էր, որ ջրավազանն ամբողջությամբ ցամաքել է։ Բնապահպանական ոլորտի ներկայացուցիչներն ու իրանական ընդդիմադիր լրատվամիջոցները Ուրմիայի չորացումը որակում են որպես Իսլամական Հանրապետության իշխանությունների գործողությունների հետևանքով առաջացած աղետ։