Էփշտեյնը դեռ կենդանի է․ Էրոլ Մասկ

Ամերիկացի ձեռնարկատեր Իլոն Մասկի հայրը՝ Էրոլ Մասկը, ՌԻԱ Նովոստիին տված հարցազրույցում ասել է՝ կարծում է, որ ֆինանսիստ Ջեֆրի Էփշտեյնը դեռ կենդանի է։

«Նա անկասկած կենդանի է։ Էփշտեյնը մահացած չէ, դրանում կասկած չկա», - ասել է Մասկը։

Նա նաև ուշադրություն է հրավիրել դեպքի հանգամանքներին՝ հիշեցնելով, որ բանտում տեսախցիկները տվյալ պահին չեն գործել, իսկ հսկիչները, ըստ որոշ տեղեկությունների, քնած են եղել։

ԱՄՆ Արդարադատության նախարարության տվյալներով՝ Էպշտեյնի պահման վայրի բանտի հսկողության տեսախցիկի 62 վայրկյանանոց տեսագրությունը կորել է՝ ժամը 23:58:58-ից մինչև 00:00-ն ընկած ժամանակահատվածում։ Սա պայմանավորված էր հին տեսաձայնագրման համակարգի ամենօրյա ավտոմատ վերագործարկմամբ։

Ջեֆրի Էփշտեյնը 2019 թվականին ԱՄՆ-ում մեղադրվում էր անչափահասների թրաֆիքինգի և սեռական շահագործման նպատակով նրանց ներգրավելու մեջ։ Նույն տարվա հուլիսի վերջին նա մահացել է կալանքի տակ։ Ամերիկյան իշխանությունների իրականացրած քննության արդյունքներով՝ արձանագրվել է, որ նա ինքնասպան է եղել