ԱՄՆ-ի Պենտագոնի ղեկավարը հանդես է եկել հայտարարությամբ

 ԱՄՆ-ը հարվածներ է իրականացրել Իրանի ամբողջ տարածքում ավելի քան 7,000 թիրախների նկատմամբ։ Այս մասին ճեպազրույցի ընթացքում հայտարարել է Պենտագոնի ղեկավար Փիթ Հեգսեթը։ 

«Այսօրվա դրությամբ մենք հարվածներ ենք հասցրել ավելի քան 7,000 թիրախների Իրանի ողջ տարածքում և նրա ռազմական ենթակառուցվածքներին։ Սա պարզապես աստիճանական առաջխաղացում չէ, սա ջախջախիչ ուժ է՝ կիրառված առավելագույն ճշգրտությամբ»,- հայտարարել է նա։

Հեգսեթը նաև նշել է, որ այսօր նախատեսվում է հարվածների ամենախոշոր փաթեթը։

«Եվ այսօր դարձյալ սպասվում է հարվածների ամենամեծ փաթեթը։ Ինչպես երեկ, այնպես էլ այսօր՝ ինչպես ես ասել եմ հենց առաջին օրվանից, մեր կարողությունները շարունակում են աճել, մինչդեռ Իրանի ներուժը շարունակաբար քայքայվում է։ Մենք հետապնդում և հարվածում ենք»,- հայտարարել է Հեգսեթը։