Ադրբեջանի պաշտպանության նախարարությունը նոր հայտարարություն է արել

Ադրբեջանի պաշտպանության նախարարությունը դատապարտել է Թուրքիայի տարածքի վրա իրականացված հրթիռային հարձակումը՝ այն գնահատելով որպես տարածաշրջանային անվտանգության համար լուրջ սպառնալիք։

Գերատեսչության տարածած հայտարարության մեջ նշվում է, որ նման գործողությունները վտանգում են տարածաշրջանում խաղաղությունն ու կայունությունը և համարվում են անընդունելի։ Ադրբեջանի պաշտպանական կառույցը ընդգծել է, որ իրավիճակը մտահոգիչ է անվտանգության տեսանկյունից։

Բաքուն նաև հայտնել է, որ լիակատար համերաշխություն է հայտնում Թուրքիային և աջակցում է թուրքական կառավարության քայլերին, որոնք ուղղված են երկրի բնակչության և տարածքային ամբողջականության պաշտպանության ապահովմանը։

Ադրբեջանի պաշտպանության նախարարությունը հավելել է, որ երկիրը վճռականորեն կանգնած է Թուրքիայի կողքին և աջակցում է անվտանգության պահպանմանն ուղղված բոլոր միջոցառումներին։