Մենք գնահատել ենք մեր շանսերը․ Մամիջանյանը՝ ընտրություններին մասնակցելու մասին

Մենք գնահատել ենք մեր շանսերը և վստահ ենք, որ, ընտրություններին մասնակցելու պարագայում, մեր հավաքած տոկոսը անցողիկ է: Այս մասին ճեպազրույցի ժամանակ ասել է ՀՀԿ գործադիր մարմնի անդամ, Ազգային ժողովի պատգամավոր Հայկ Մամիջանյանը:

Հիշեցնենք՝ ՀՀԿ-ն հայտարարել էր, որ Հայաստանի Հանրապետական կուսակցության հերթական՝ 18-րդ համագումարն անցկացվելու է սույն թվականի ապրիլի 4-ին, որի ընթացքում, կհայտարարեն ընտրություններին մասնակցելու կամ չմասնկացելու մասին:

Ավելի վաղ, Ալեն Սիմոյանը նման հայտարարությամբ էր հանդես եկել․ «Ռոբերտ Քոչարյանը  թող կարողանա «Հայաստան» խմբակցությունը ղեկավարել․ թող ղեկավարման մասին չխոսի: Նա այլ բան ունի անհանգստանալու՝ հաջորդ խորհրդարանական ընտրություններին ինքը հատելո՞ւ է շեմը Դաշնակցության հետ ու հայտնվելու է խորհրդարանում, թե ամբողջ ընդդիմադիր ռեսուրսը, որ դաշտում կա, այլ կուսակցություններ են վերցնելու»։