Իսրայելը հարձակողական գործողություն է սկսել Լիբանանում

Իսրայելի պաշտպանության բանակի Գլխավոր շտաբի պետ Էյալ Զամիրը հայտարարել է, որ Լիբանանի տարածքում մեկնարկել է հարձակողական գործողություն՝ ուղղված «Հեզբոլլահ» շարժման դեմ։ Հայտարարությունը նա արել է զինվորականների հետ անցկացված խորհրդակցության ընթացքում։

Զամիրի խոսքով՝ իսրայելական բանակը ներկայումս գործում է ոչ միայն պաշտպանական, այլև հարձակողական ռեժիմով։ Նա նշել է, որ գործողությունները ծավալվում են հյուսիսային ուղղությամբ և կարող են շարունակվել երկար ժամանակ։

ԳՇ պետը զինվորականներին կոչ է արել պատրաստվել երկարատև մարտական գործողությունների։ Այլ մանրամասներ գործողության մասշտաբների կամ ներգրավված ուժերի վերաբերյալ առայժմ չեն հրապարակվել։

Իսրայելական կողմը ավելի վաղ հայտարարել էր հյուսիսային սահմանին անվտանգության իրավիճակի սրման մասին՝ «Հեզբոլլահի» հետ լարվածության ֆոնին։