Լուրերը մեկ տողով. Տարածաշրջանը պատերազմի եզրին․ ջիհադի կոչ. Երևանում հերթական դանակահարությունը
Անցած ժամվա լուրերը՝ հակիրճ և բովանդակային:
•ԱԳՆ թեժ գիծը ստացել է չորս տասնյակ զանգ: Զոհերի թվում ՀՀ քաղաքացիներ չկան։
•Սփյուռքի գործերի գլխավոր հանձնակատարի գրասենյակը գործարկել է հատուկ թեժ գիծ տարածաշրջանում գտնվող հայերի համար։
•ՌԴ քաղաքացիները կարող են Իրանից դուրս գալ Հայաստանի տարածքով՝ հայտնել է Հայաստանում ՌԴ դեսպանատունը։
•Պարսից ծոցի արաբական պետությունների համագործակցության խորհուրդը հրավիրել է արտահերթ նիստ։
•Իրանցի շիա բարձրաստիճան հոգևորականը ջիհադ է հայտարարել ԱՄՆ-ի և Իսրայելի դեմ։
•Եգիպտոսի նախագահը զգուշացրել է, որ տարածաշրջանը կարող է հայտնվել քաոսի մեջ և կոչ արել երկխոսության։
•«Հեզբոլահ»-ը խոստացել է հակահարված տալ ԱՄՆ-ին և Իսրայելին, մինչ Լիբանանի իշխանությունները չեն ցանկանում ներքաշվել պատերազմի մեջ։
•Երևանում դանակահարության հետևանքով 39-ամյա տղամարդը ծայրահեղ ծանր վիճակում տեղափոխվել է հիվանդանոց։
