Արաբական Միացյալ Էմիրությունները սպառնացել է Իրանին պատասխան հարվածներով
ԱՄԷ‑ի միջազգային համագործակցության հարցերով նախարար Ռիմ Ալ-Հաշիմին CNN-ին ասել է, որ երկիրը կարող է անցնել ավելի վճռական գործողությունների, եթե Իրանը շարունակի հրթիռներ և դրոններ արձակել երկրի վրա:
«Մենք պատրաստ ենք պաշտպանել ինքներս մեզ։ Հուսով ենք, որ դրան չի հասնի, բայց ... մենք ձեռքներս ծալած չենք նստի, քանի դեռ շարունակում ենք հարձակումների նման ալիքի թիրախ լինել», - ասել Է Ալ‑Հաշիմին CNN-ին տված հարցազրույցում:
Հարցին, թե արդյոք ԱՄԷ-ն կարող է անցնել մարտական գործողությունների, բարձրաստիճան պաշտոնյան պատասխանել է. «Եթե դրան հասնի, կարող է»:
«Հիմա գնդակն Իրանի կողմն է, թե ինչպես են նրանք ցանկանում իրենց պահել հարեւանի հետ, որն ավանդաբար իրենց համար շատ արդար եւ բարիդրացիական է եղել», - հավելել է նա:
