Տեր-Պետրոսյանը՝ Կարապետյանի մասին

ՀՀ առաջին նախագահ Լևոն Տեր-Պետրոսյանը «Ֆեյսբուքում» կատարած գրառմամբ նշել է, որ պառակտված ընդդիմությունը միավորելու միակ ունակ ուժը «Ուժեղ Հայաստան» կուսակցության նախագահ Սամվել Կարապետյանն է։

Նրա գնահատմամբ՝ ընդդիմադիր ուժերի միջև ամիսներ տևած բանակցությունները որևէ համաձայնության չեն բերել։

«Անհրաժեշտ է, վերջիվերջո, հասկանալ, որ ընդդիմության միավորումը ոչ թե քաղաքական, այլ պարզապես ազգի փրկության խնդիր է: Լինելով ինքնաբավ և կայացած անձնավորություն՝ Կարապետյանն ունակ է լուծել այդ խնդիրը»,- ասել է առաջին նախագահը։

Հիշեցնենք, որ ՀՀ-ում հերթական խորհրդարանական ընտրությունները տեղի կունենան 2026 թվականի հունիսի 7-ին։