Նոր աղմկահարույց հրաժարական Էփշտեյնի գործով
Համաշխարհային տնտեսական ֆորումի գլխավոր տնօրեն Բորգե Բրենդը հայտարարել է, որ հրաժարական է տալիս։ Դա տեղի է ունեցել մի քանի շաբաթ անց այն բանից հետո, երբ ֆորումը սկսել էր անկախ հետաքննություն նրա և գործարար Ջեֆրի Էփշտեյնի հարաբերությունների վերաբերյալ։Հիշեցնենք, որ Բրենդը ֆորումի նախագահ էր ընտրվել 2017 թվականին։ ԱՄՆ-ի Արդարադատության նախարարության հրապարակած Էփշտեյնի գործի նյութերում նշվում է, որ նա երեք անգամ ընթրել է Էփշտեյնի հետ և էլեկտրոնային փոստով նամակագրություն է վարել։
Բրենդի և Էփշտեյնի միջև նամակագրություն է եղել 2018 և 2019 թվականներին, որի ընթացքում քննարկվել են ընթրիքներ, որոնք տեղի են ունեցել սեռական հանցագործությունների համար դատապարտված գործարարի տանը։ Նամակներից մեկում Էփշտեյնը ուղարկել է մի կնոջ լուսանկար, որի դեմքը փակված է եղել ԱՄՆ-ի Արդարադատության նախարարության հրապարակած փաստաթղթում։ Բրենդը գրել է․ «Ես ճիշտ էի, չէ՞։ Զվարճալի է», ինչին Էփշտեյնը պատասխանել է․ «Այո։ Վատ լուրեր։ Ամեն անգամ, երբ տեսնեմ միսս Փիգգիին, կմտածեմ… քո մասին»։ Բրենդը արձագանքել է․ «Ես կհաշտվեմ դրա հետ։ Ավելի լավ է հիշողության մեջ լինել, քան մոռացված»։
2018 թվականի ապրիլին ուղարկված մեկ այլ հաղորդագրությունում Բրենդը նշել է․ «Կարոտում եմ ձեզ, սըր։ Բորգե»։
