Հրադադարի պահպանման ծրագիրը կտապալվի Ռուսաստանի կողմից․ The Telegraph
Ուկրաինայում հնարավոր խաղաղապահ առաքելության տեղակայումը կպահանջի Ռուսաստանի նախագահի համաձայնությունը։ Այս մասին հայտնում է The Telegraph-ը՝ հղում անելով ռազմական և դիվանագիտական աղբյուրներին։
Աղբյուրների փոխանցմամբ՝ «կամավորների կոալիցիա» կոչվող երկրների նախաձեռնությունը, որը նպատակ ունի վերահսկել հրադադարի հնարավոր ռեժիմի պահպանման ծրագիրը կարող է տապալվել Ռուսաստանի կողմից: Նշվում է, որ ծրագիրը հիմնականում առաջ է մղվում Մեծ Բրիտանիայի և Ֆրանսիայի կողմից։
Դիվանագիտական աղբյուրներից մեկը ենթադրել է, որ եվրոպական կառավարությունները փաստացիորեն Ռուսաստանին հնարավորություն են տվել ազդելու կոալիցիայի որոշումների վրա։ Նրա խոսքով՝ անվտանգության երաշխիքների շրջանակում նախատեսվող միջոցառումները, այդ թվում՝ ցամաքային զորքերի տեղակայումը, կարող են իրականացվել միայն Ռուսաստանի համաձայնությամբ։
Այսպիսով, խաղաղապահների հնարավոր տեղակայման հարցը կախված է քաղաքական պայմանավորվածություններից և կողմերի դիրքորոշումներից։
