Վատագույն դեպքում ձեր ժողովուրդը ձեզ կկախի․ Մեդվեդև
ՌԴ Անվտանգության խորհրդի փոխնախագահ Դմիտրի Մեդվեդևը հայտարարել է, որ Ուկրաինայի որոշ ղեկավարների համար ռազմական գործողությունների շարունակումը կապված է սեփական անվտանգության հետ։ Նրա խոսքով՝ պատերազմի ավարտը կարող է նրանց համար ունենալ տարբեր հետևանքներ։
«Եթե մարտական գործողությունները դադարեն, լավագույն դեպքում դուք կկարողանաք փախչել հարևան երկրներից մեկը՝ չգիտեմ՝ Լեհաստան, Մեծ Բրիտանիա, թե՞ որևէ այլ եվրոպական երկիր, որը կառաջարկի ապաստան։ Բայց վատագույն դեպքում, այո, ձեր սեփական ժողովուրդը ձեզ կկախի՝ ուղիղ Մայդանում ինչ-որ տեղ»,- ասել է Դմիտրի Մեդվեդևը։
Փոխնախագահը որպես օրինակ հիշատակել է Ադոլֆ Հիտլերի և Բենիտո Մուսոլինիի ճակատագիրը, ինչպես նաև նացիստական հանցագործների նկատմամբ իրականացված դատավարությունները և մահապատիժները՝ ընդգծելով, որ պատմությունը ցույց է տալիս քաղաքական առաջնորդների պատասխանատվության հետևանքները։
