Թրամփը քննարկում է հնարավոր իրավահաջորդի հարցը․ Axios

ԱՄՆ նախագահ Դոնալդ Թրամփը խորհրդականների հետ քննարկում է Հանրապետական կուսակցության ապագա առաջնորդի հարցը՝ դիտարկելով մի քանի հավանական թեկնածուների։ Այդ մասին հայտնում է Axios պորտալը՝ հղում անելով իր աղբյուրներին։

Պարբերականի զրուցակիցների փոխանցմամբ՝ քննարկումների շրջանակում առանձնացվում են փոխնախագահ Ջեյ Դի Վենսի և սենատոր Մարկո Ռուբիոյի անունները։ Աղբյուրները նշել են, որ Թրամփի կողմից Ռուբիոյի հասցեին հնչող հաճախակի դրական գնահատականները չեն նշանակում, թե նվազել է ուշադրությունը Վենսի նկատմամբ։

Լրատվականի փոխանցմամբ՝ Թրամփի նախընտրելի տարբերակը 2028 թվականի համար կարող է լինել Վենս-Ռուբիո զույգը, որտեղ առաջնորդի դերում կդիտարկվի Վենսը։ Միևնույն ժամանակ, խորհրդականներից մեկի խոսքով, Թրամփը չի բացառի նաև հակառակ դասավորությունը՝ Ռուբիո-Վենս ձևաչափով։

Պարբերականը նշում է, որ Թրամփը վերջերս խորհրդականներից մեկի հետ քննարկել է Հանրապետական կուսակցության ապագա առաջնորդության հարցը՝ հետաքրքրվելով նրա կարծիքով։