Ռազմական ակտիվություն․ ԱՄՆ-ն վերջին 24 ժամվա ընթացքում C-17 ինքնաթիռներով տեխնիկա է տեղափոխել Եվրոպա
Անցած մեկ օրվա ընթացքում առնվազն 10 Սի-17 Էյ Գլոբմասթեր երրորդ ռազմատրանսպորտային ինքնաթիռ է ուղղվել Եվրոպա։
Տարբեր աղբյուրների հաղորդմամբ՝ ԱՄՆ ռազմաօդային ուժերի առնվազն տասը Սի-17 Էյ Գլոբմասթեր երրորդ ինքնաթիռ վերջին 24 ժամում թռիչքներ են իրականացրել դեպի Եվրոպա։
Նշվում է, որ թռիչքների մեծ մասը իրականացվել է Տեխաս նահանգում տեղակայված Ֆորտ Հուդ ամերիկյան խոշոր ռազմաբազայից և, ենթադրաբար, կապված է Մերձավոր Արևելք հակաօդային պաշտպանության լրացուցիչ համակարգերի տեղափոխման հետ։
Աղբյուրների համաձայն՝ ինքնաթիռները տեղափոխել են նաև կործանիչների համար նախատեսված լրացուցիչ մարտական տեխնիկա՝ Իրանի դեմ հնարավոր օդահրթիռային հարվածի նախապատրաստության շրջանակում։
