Իրանի դեմ նոր պատերազմը չի բխում տարածաշրջանի շահերից․ Էրդողան

Իրանի դեմ հնարավոր նոր պատերազմը չի բխում տարածաշրջանի շահերից և կարող է խորացնել անկայունությունը։ Այդ մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է TRT Haber-ը։

Էրդողանի խոսքով՝ Անկարան կողմ է Իրանի և ԱՄՆ-ի միջև առկա տարաձայնությունների կարգավորմանը բացառապես երկխոսության միջոցով։ Նա նշել է, որ բարձր մակարդակով կապ է պահպանում թե՛ Թեհրանի, թե՛ Վաշինգտոնի հետ և հեռախոսազրույցներ է ունեցել երկու երկրների նախագահների հետ։

Թուրքիայի առաջնորդը ընդգծել է, որ իր երկիրը չի նպաստում հակամարտությունների սրմանը, այլ ձգտում է ստեղծել խաղաղության պայմաններ։ Նրա գնահատմամբ՝ ռազմական սրացումն ու լարվածության աճը կարող են ավելացնել անորոշությունը տարածաշրջանում։ Էրդողանը նշել է, որ քանի դեռ դիվանագիտական ուղին բաց է, պահպանվում է խնդրի խաղաղ լուծման հնարավորությունը։