Իրանի դեմ Իսրայելը կգործի Վաշինգտոնի հետ համատեղ․ ԶԼՄ
Իսրայելական շրջանակներում կարծում են, որ Իրանի շուրջ ընթացող բանակցությունները կարող են ավարտվել անհաջողությամբ։ Այս մասին հաղորդում է Իսրայելի 12-րդ հեռուստաալիքը՝ հղում անելով իր աղբյուրներին։
Աղբյուրի փոխանցմամբ՝ իսրայելցի պաշտոնյաների մի մասը համոզված է, որ ԱՄՆ նախագահ Դոնալդ Թրամփը և ամերիկյան մի շարք բարձրաստիճան ներկայացուցիչներ դիտարկում են Իրանի դեմ հարված հասցնելու տարբերակը։ Նշվում է, որ Վաշինգտոնի համար կարևոր է բանակցային գործընթացի ավարտը, որպեսզի հնարավոր ռազմական գործողությանը նախորդի դիվանագիտական փուլ, ինչը կարող է ընկալվել որպես լեգիտիմության ապահովում։
Աղբյուրների համաձայն՝ Իսրայելում բարձր մակարդակով անցկացվող խորհրդակցությունները կենտրոնացած են հնարավոր կանխարգելիչ հարվածի սցենարի շուրջ։ Միաժամանակ նշվում է, որ Թել Ավիվում հաշվի են առնում այն հավանականությունը, ըստ որի՝ ԱՄՆ նախագահի որոշման դեպքում Իսրայելը կգործի Վաշինգտոնի հետ համատեղ։
