Մամուլն ավելի ագրեսիվ էր․ Ալեն Սիմոնյանի մեկնաբանությունը Լավրովի հետ հանդիպման մասին

ՀՀ ԱԺ նախագահ Ալեն Սիմոնյանը հարցազրույց է տվել ռուսական «Дождь» հեռուստալիքին։ 

Հարցին, թե Ռուսաստանի արտգործնախարար Սերգեյ Լավրովը դժգոհ էր Երևանից հնչող՝ Ռուսաստանի հասցեին ուղղված քննադատությունից և Եվրամիության հետ ՀՀ մերձեցումից, Ալեն Սիմոնյանը պատասխանել է․

«Ես այն ծանր չեմ համարում: Աշխատանքային այց էր, և տեղի ունեցավ այն խոսակցությունը, որն ակնկալում էի: Կարող եմ ասել, որ զրույցն իրականում ինձ դուր եկավ, որովհետև չկար ագրեսիա, չկային հարցեր, որոնք հնարավոր չէր քննարկել կամ որոնք կառաջացնեին իրավիճակներ, երբ կողմերից մեկն իրեն անհարմար կզգար: Այնպես որ, կարծում եմ՝ ամեն ինչ նորմալ էր: Ինչ վերաբերում է մնացածին, այսինքն՝ մամուլին, լրատվամիջոցներին, որոնք լուսաբանում էին հենց այդ հանդիպումը, նրանք շատ ավելի ագրեսիվ էին և բոլորովին այլ հարթության մեջ: Եվ սա ինձ իրոք չզարմացրեց, բայց փոքր-ինչ տարօրինակ էր»:

Ալեն Սիմոնյանի խոսքով պաշտոնական ալիքները շատ ավելի կոշտ և շատ ավելի ծանր են արձագանքում իր ասածներին և տեղի ունեցածին: Մինչդեռ հանդիպումների ժամանակ բոլորովին այլ իրավիճակ էր և այլ մթնոլորտ: