Բողոքներ հոսանքի վճարներից․ Ռոմանոս Պետրոսյանի արձագանքը
Auroranews.am-ը բազմաթիվ ահազանգեր է ստանում ռադիոլսողներից, ովքեր նշում են, որ հունվար ամսվա էլեկտրաէներգիայի վճարը դեկտեմբերի համեմատ ավելի բարձր է եղել։ Նրանց խոսքով՝ նման ծավալի հոսանք չեն օգտագործել և տարակուսում են, թե ինչպես պետք է կատարեն վճարումները։
Auroranews.am-ը հարցի առնչությամբ զրուցել է ՀԷՑ ժամանակավոր կառավարիչ Ռոմանոս Պետրոսյանի հետ։
Նրա խոսքով՝ իրականացվել են բազմաթիվ հասցեական ստուգումներ՝ կապված նման բողոքների հետ, և բոլոր դեպքերում քաղաքացիները ընդունել են, որ սպառումն ավելի մեծ է եղել, ինչպես նախորդ ամսվա, այնպես էլ նախորդ տարվա նույն ժամանակահատվածի համեմատությամբ։
Նա նշել է, որ քաղաքացիները կարող են գրություն ուղարկել ՀԷՑ՝ նշելով հասցեն և բաժանորդային քարտի տվյալները, այդ թվում նաև էլեկտրոնային հասցեով՝ [email protected]։
