Ամբողջ քաղաքով մեկ սկսելու ենք ասֆալտի կտրման աշխատանքները․ Ավինյան

Երևանի քաղաքապետ Տիգրան Ավինյանը խոսել է մայրաքաղաքում իրականացվող փոսային վերանորոգման մասին։

«Այսօր ամբողջ քաղաքով մեկ սկսելու ենք ասֆալտի կտրման աշխատանքները, բոլոր այն հատվածներում, որտեղ ունենք խորը փոսեր։ Վարչական շրջանների ղեկավարներն իրենց հերթին շատ խորը և վտանգավոր փոսերում որոշակի տեսակի նյութ են լցնելու»,- ասել է նա։

Ըստ քաղաքապետի՝ «Վաղը չէ մյուս օրվանից, եթե եղանակը թույլ տա, ամբողջ քաղաքում կիրականացվեն ասֆալտապատման աշխատանքներ»։