Հայտնի լեռնադահուկորդին օլիմպիական մրցուղուց ուղղաթիռով տեղափոխել են հիվանդանոց
Ամերիկացի հայտնի լեռնադահուկորդ Լինդսի Վոննը սարսափելի անկում է ապրել արագընթաց վայրէջքի մրցման ժամանակ՝ Իտալիայում ընթացող ձմեռային Օլիմպիական խաղերի շրջանակում։ Մրցումները անցկացվում են Միլան և Կորտինա դ’Ամպեցցո քաղաքներում։
41-ամյա մարզուհին, ով մի քանի շաբաթ առաջ ստացել էր ծնկի կապանների լուրջ վնասվածք, այնուամենայնիվ դուրս էր եկել մեկնարկի։ Սակայն արդեն մրցուղու սկզբնամասում նա կորցրել է հավասարակշռությունը և ընկել՝ չկարողանալով ինքնուրույն վեր կենալ։
Դեպքից հետո մրցումները ժամանակավորապես դադարեցվել են։ Բժշկական անձնակազմը օգնություն է ցուցաբերել անմիջապես մրցուղու վրա, այնուհետև Վոննը ուղղաթիռով տեղափոխվել են հիվանդանոց։ Նրա առողջական վիճակի ծանրության մասին այս պահին պաշտոնական տեղեկություն չի հաղորդվում։
Լինդսի Վոննը Օլիմպիական խաղերի չեմպիոն է դարձել Վանկուվեր-2010-ում արագընթաց վայրէջքում, ինչպես նաև նվաճել է բրոնզե մեդալներ Վանկուվեր-2010-ի սուպերգիգանտում և Փհենչհան-2018-ի արագընթաց վայրէջքում։
Հավելենք՝ ձմեռային Օլիմպիական խաղերը կշարունակվեն փետրվարի 6-ից 22-ը, որոնց ընթացքում կխաղարկվի 116 մեդալ՝ 16 մարզաձևում։
