Հայ դահուկորդը Օլիմպիական խաղերում զբաղեցրեց 53-րդ տեղը

Հայաստանի ներկայացուցիչ Միքայել Միքայելյանը հանդես է եկել Միլան–Կորտինա 2026 ձմեռային Օլիմպիական խաղերի դահուկավազքի 10 կմ ազատ ոճի մրցաձևում՝ անհատական մեկնարկով։

Միքայելյանը տարածությունը հաղթահարել է 23:06.4 արդյունքով՝ զբաղեցնելով 53-րդ հորիզոնականը։ Մրցմանը մասնակցել է 113 մարզիկ, և հայ դահուկորդը կարողացել է գերազանցել 60 մասնակցի արդյունք։

Առաջին տեղը զբաղեցրել է նորվեգացի Յոհաննես Կլեբոն՝ 20:36.2 արդյունքով։ Երկրորդը ֆրանսիացի Մատիս Դելոժն է (20:41.1), իսկ երրորդ հորիզոնականը զբաղեցրել է Նորվեգիայի ներկայացուցիչ Էյնար Հեդեգարտը (20:50.2)։

Կլեբոյի համար այս հաղթանակը դարձել է երրորդը Միլան–Կորտինա խաղերում։ Նա արդեն ունի ութ օլիմպիական ոսկե մեդալ և հայտարարել է, որ նպատակ ունի այս խաղերում նվաճել դահուկավազքի բոլոր վեց ոսկե մեդալներից յուրաքանչյուրն, որոնցից երեքն արդեն իր ակտիվում են։