Թրամփը սպառնացել Իրանի հետ առևտուր իրականացնող երկրներին
ԱՄՆ նախագահ Դոնալդ Թրամփը հայտարարել է, որ Վաշինգտոնը կարող է լրացուցիչ մաքսատուրքեր սահմանել այն երկրների դեմ, որոնք շարունակում են առևտուր իրականացնել Իրանի հետ։ Այդ մասին հայտնում է Reuters-ը։
Նախագահի ստորագրած հրամանագրում կոնկրետ մաքսատուրքի չափը հստակ չի նշվում, սակայն որպես հնարավոր օրինակ հիշատակվում է 25 տոկոսի դրույքաչափը։ Փաստաթղթի համաձայն՝ սահմանափակումները կարող են վերաբերվել ԱՄՆ ներմուծմանը ցանկացած երկրից, որը ուղղակի կամ անուղղակի կերպով գնում է Իրանից ապրանքներ կամ ծառայություններ։
Reuters-ի փոխանցմամբ՝ նոր որոշումը կայացվել է այն պայմաններում, երբ Օմանում շարունակվում են ԱՄՆ-ի և Իրանի ներկայացուցիչների միջև բանակցությունները։
