Թրամփը՝ ԱՄՆ–Իրան բանակցությունների մասին

ԱՄՆ նախագահ Դոնալդ Թրամփը հայտարարել է, որ Վաշինգտոնի և Թեհրանի միջև միջուկային թեմայով բանակցությունները ընթացել են հաջողությամբ, և կողմերը մոտեցել են հնարավոր համաձայնության ձեռքբերմանը։

Սպիտակ տան ղեկավարի խոսքով՝ բանակցային գործընթացում գրանցվել են դրական արդյունքներ։ Նա նշել է, որ Իրանի հետ քննարկումները շարունակվում են կառուցողական մթնոլորտում, և կողմերը պատրաստվում են նոր հանդիպման՝ արդեն հաջորդ շաբաթվա սկզբին։

Թրամփը ընդգծել է, որ Իրանի դիրքորոշումն այժմ ավելի գործնական է, քան մեկ կամ մեկուկես տարի առաջ։ Նրա խոսքով՝ Թեհրանը ներկայում ավելի մեծ պատրաստակամություն է ցուցաբերում կոնկրետ քայլերի գնալու հարցում։

ԱՄՆ նախագահի հայտարարությունը հնչել է այն պահին, երբ Վաշինգտոնը փորձում է վերականգնել կամ վերանայել Իրանի միջուկային ծրագրի շուրջ պայմանավորվածությունները։ Մինչ այժմ կողմերը չեն հայտնել հնարավոր գործարքի մանրամասների մասին։