Մենք Փաշինյանին ենք թիրախ դիտարկում, այդպես էլ շարունակելու ենք․ Սերժ Սարգսյան
ՀՀ երրորդ նախագահ Սերժ Սարգսյանը լրագրողների հետ զրույցում նշել է, որ ընդդիմության միավորվելը շատ բարդ խնդիր է։
«Ընտրությունների վերաբերյալ չունենք որոշում, եթե ունենանք կասենք։ Ընդդիմության միավորման ցանկություն ունեմ, բայց իրադարձությունները ցույց են տալիս, որ ընդդիմության միավորվելը շատ բարդ խնդիր է։ Տեսնենք։ Խոսքը մի ցուցակով գնալու մասին չէ։ Մենք Փաշինյանին ենք թիրախ դիտարկում, այդպես էլ շարունակելու ենք»,- ասել է նա։
Անդրադառնալով TRIPP նախագծին Սարգսյանը ասել է. «Մինչև վերջ չգիտեմ, թե ինչ է TRIPP-ը։ Ադրբեջանցիները դրան անվանում են միջանցք, թուրքերն անվանում են միջանցք, Հայաստանի հանրության մի մասն անվանում է միջանցք։
Իսկ իշխանությունները համարում են անվտանգության երաշխիք, խաչմերուկ, բայց իրենց ասածները մի շաբաթ հետո, մի ամիս հետո կփոխվեն, 2 ամիս հետո բոլորովին հակառակը կլինի»։
