Բիլ և Հիլարի Քլինթոնները համաձայնել են ցուցմունք տալ ԱՄՆ Կոնգրեսում` Էփշտեյնի գործով
ԱՄՆ նախկին նախագահ Բիլ Քլինթոնը և նախկին պետքարտուղար Հիլարի Քլինթոնը համաձայնել են ցուցմունք տալ Կոնգրեսում՝ ֆինանսիստ Ջեֆրի Էփշտեյնի գործի շրջանակում․ այս մասին հայտնում է BBC-ն։
Ըստ աղբյուրի՝ ամուսին Քլինթոնները պարտավորվել են ներկայանալ հարցաքննության՝ քրեական պատասխանատվության սպառնալիքի ներքո։ Նրանց ցուցմունքները կլսի Ներկայացուցիչների պալատի վերահսկողական հանձնաժողովը, որը ձևավորվել է հանրապետականների նախաձեռնությամբ։
Բիլ Քլինթոնի անունը բազմիցս հիշատակվել է Էփշտեյնի գործի նյութերում, որտեղ առկա են նաև նրա լուսանկարները։ Միևնույն ժամանակ, նախկին նախագահը պնդում է, որ տեղյակ չի եղել ֆինանսիստի ենթադրյալ ապօրինի գործողությունների մասին։
