Դանիան նոր ՀՕՊ համակարգ կտեղակայի երկրի կենտրոնական բազայում
Դանիայի պաշտպանության նախարարությունը հայտարարել է, որ երկրի կենտրոնական մասում գտնվող Կորսյորի ռազմածովային բազայում տեղակայելու է նոր հակածովային հրթիռային համակարգ։
2025 թվականի դեկտեմբերին նորվեգական Kongsberg Defence & Aerospace պաշտպանական ընկերությունը հայտարարել է, որ Դանիան իրենից պատվիրել է հակածովային հրթիռային համակարգ՝ ավելի քան 100 միլիոն եվրոյով։
«Պաշտպանության հանձնաժողովի կողմերը համաձայնել են Կորսյորի ռազմածովային բազայում տեղակայել ափամերձ հրթիռային պաշտպանության համակարգ», - ասվում է Դանիայի պաշտպանության նախարարության կայքում տեղադրված մամուլի հաղորդագրության մեջ։
Հրապարակման համաձայն՝ նոր զենքը թույլ կտա Կոպենհագենին ավելի լավ վերահսկել նավերի մուտքը ռազմավարական նշանակություն ունեցող ներքին ջրեր, այդ թվում՝ Դանիայի նեղուցներ և Բալթիկ ծովի արևմտյան մասը։
«Ավելին, խորհրդարանական հանձնաժողովի կողմերը համաձայնել են, որ նավը, որը կօգտագործվի որպես կարևորագույն ստորջրյա ենթակառուցվածքների մոնիթորինգի հարթակ, և դրան կից վերլուծական համակարգը, կտեղակայվեն Ֆրեդերիկսհավնի ռազմածովային բազայում», - ասվում է մամուլի հաղորդագրության մեջ։
