Նաթան արքեպիսկոպոս Հովհաննիսյանի նկատմամբ խափանման միջոց է ընտրվել բացակայելու արգելքը

Մայր աթոռի արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանի նկատմամբ խափանման միջոց ընտրվեց երկրից չբացակայելու արգելքը։

Ավելի վաղ  Քննչական կոմիտե հարցաքննության են գնացել Գերագույն հոգևոր խորհրդի անդամներ՝ Նաթան, Վահան և Հայկազուն Սրբազանները։ 

Լրագրողների հետ զրույցում Վահան Սրբազանի պաշտպան Մարինե Ֆարմանյանը նշել է, որ սա եզակի դեպք է, երբ դատարանը միջամտում է եկեղեցու գործերին։

«Վահան Սրբազանը ծանուցում է ստացել որպես մեղադրյալ ՔԿ ներկայանալու համար։ Ինչ վերաբերում է Վեհափառ Հայրապետին, նա անձեռնմխելի է, սա արկածախնդրություն է և ուղղված է պետության դեմ»,- ասել է նա։

«Գերագույն հոգևոր խորհուրդը որոշում չի կայացրել, այլ որոշել է առաջարկել Ամենայն Հայոց կաթողիկոսին, որովհետև կարգալուծությունը Կաթողիկոսի մենաշնորհն է ևորեւէ մեկը չի կարող Ամենայն Հայոց Կաթողիկոսի նման որոշումը չեղարկել կամ միջամտել»,- հարցաքննությունից հետո լրագրողների հետ զրույցում ասել է Նաթան Սրբազանը։

Երկրից արգելել են բացակայել նաև՝

Գուգարաց թեմի առաջնորդ Հովնան եպիսկոպոս Հակոբյանին, Սյունյաց թեմի առաջնորդ Մակար եպիսկոպոս Հակոբյանին, Տ. Հայկազուն եպիսկոպոս Նաջարյանին, Եկեղեցականաց և երիտասարդաց վերապատրաստման ծրագրերի տնօրեն Վահան արքեպիսկոպոս Հովհաննիսյանին, Մայր Աթոռի վարչատնտեսական բաժնի տնօրեն Մուշեղ եպիսկոպոս Բաբայանին։