2-րդ նախագահը խոսում է եկեղեցուց, բարոյականությունից․ Լրիվ` փրկեա´ զմեզ ի չարէ. Միրզոյան
ՀՀ ԱԳ նախարար Արարատ Միրզոյանը սոցցանցի իր էջում անդրադառնալով Ռոբերտ Քոչարյանի՝ վերջին ասուլիսում արված հայտարարություններին՝ գրել է․
«2-րդ նախագահ աշխատած ՌՔ֊ը խոսում է եկեղեցուց, խոսում է բարոյականությունից: Լրիվ` փրկեա´ զմեզ ի չարէ:
Հ.Գ. Փորձելով անդրադառնալ ԵԽԽՎ-ում իմ ելույթին` սույն անձն ուղղակի ստել է, բայց դե իր դեպքում դա թերևս նորմալ է»:
«Բայց ուզում եմ Ձեզ մի հարց ուղղել։ Պատկերացրեք մի իրավիճակ, երբ Հայաստանի որոշ քաղաքացիներ հրապարակայնորեն կոչ են անում հեղաշրջման միջոցով իշխանությունից հեռացնել ժողովրդավարական ճանապարհով ընտրված կառավարությանը և Հայաստանի ղեկավարության որոշ ներկայացուցիչների, այդ թվում, ի միջի այլոց՝ նաև իմ, սպանության հրապարակային կոչեր են հնչեցնում։ Ի՞նչ որոշում կկայացնեիք Դուք: Ինչպիսի՞ գործողություններ կձեռնարկեիք նման իրավիճակում»,- հարցրել էր նախարարը:
Ռոբերտ Քոչարյանը հունվարի 29-ի իր ասուլիսում անդրադառնալով ԱԳ նախարարի այս ընդգծմանը՝ ասել էր․
«ԱԳ նախարարի հայտարարությունն ուղղակի անբարոյականություն էր։ Մեղադրելը, թե եկեղեցին փորձում է իշխանություն վերցնել, ուղղակի ապսուրդ է»։
