Իրանի դեմ ցանկացած ագրեսիա կվտանգի նրա դաշնակիցներին Մերձավոր Արևելքում․ Խամենեիի ներկայացուցիչ
Իրանի դեմ ցանկացած ագրեսիա կվտանգի Միացյալ Նահանգների և նրա դաշնակիցների Մերձավոր Արևելքում ամբողջ ռազմական ենթակառուցվածքը, որը գտնվում է Իսլամական Հանրապետության զինված ուժերի հասանելիության գոտում։
Այս մասին հայտարարել է Աբդալլահ Հաջի Սադեղին՝ Իրանի գերագույն առաջնորդ Ալի Խամենեիի ներկայացուցիչը Իսլամական հեղափոխության պահապանների կորպուսում (ԻՀՊԿ, զինված ուժերի էլիտար ստորաբաժանում)։
«Այսօր մեր հասանելիության գոտում է ոչ միայն մեկ բազա, այլև Միացյալ Նահանգների և նրա տարածաշրջանային վարձկանների ամբողջ ենթակառուցվածքը։ Զինված ուժերը պատրաստ են մարտի, և թշնամու ցանկացած քայլ կհանդիպի ջախջախիչ պատասխանի ցամաքում, ծովում և տարածաշրջանի բոլոր ամերիկյան բազաներում», - նրա խոսքերը մեջբերել է IRNA-ն։
Ավելի վաղ ԱՄՆ նախագահ Դոնալդ Թրամփը հայտարարել էր, որ «հսկայական նավատորմ» է շարժվում դեպի Իրան։ Նա հույս էր հայտնել, որ Թեհրանը կնստի բանակցությունների սեղանի շուրջ և կհասնի «արդար և հավասար» գործարքի, որը կներառի միջուկային զենքից լիակատար հրաժարում։
