Գորիսում սպանության դեպքով գործ է հարուցվել. ՔԿ
Գորիսում նռնակի պայթյունի հետևանքով, ըստ նախնական տեղեկությունների, 2 մարդ է սպանվել, կա 1 վիրավոր: Դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի (սպանությունը) (2 դրվագ), 44-155-րդ հոդվածի (սպանության փորձը), 335-րդ հոդվածի (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) հատկանիշներով: Այս մասին Auroranews-ին հայտնեցին Քննչական կոմիտեից։
Հիշեցնենք, որ ըստ լրատվամիջոցներում շրջանառվող տեղեկությունների Գորիսում սպանվել է Առուշ Առուշանյանի վարորդը և ևս մեկ երիտասարդ։
