Դանիան ուժեղացնում է ռազմական ներկայությունը Գրենլանդիայում․ կոչ՝ տեղի բնակիչներին
Դանիան մշակել է ծրագրեր, որոնց համաձայն ընթացիկ տարվա ընթացքում Գրենլանդիա կարող է ուղարկվել մինչև հազար զինծառայող։ Նախատեսվում է, որ դանիական զինված ուժերի ներկայացուցիչները կղզում կգտնվեն ամբողջ տարվա ընթացքում՝ ապահովելով շարունակական ռազմական ներկայություն։
Ըստ տեղական TV2 հեռուստաալիքի՝ քննարկվում է նաև ռազմածովային և ռազմաօդային ուժերի ստորաբաժանումների անձնակազմի պարբերական տեղափոխումը Գրենլանդիա։ Այս քայլերը կապված են տարածաշրջանում աճող աշխարհաքաղաքական ակտիվության հետ և դիտարկվում են անվտանգության միջավայրի փոփոխության համատեքստում։
Հիշեցնենք՝ ԱՄՆ նախագահ Դոնալդ Թրամփը նախկինում հայտարարել էր Դանիայի ինքնավար տարածաշրջանի նկատմամբ հետաքրքրության մասին։ Bloomberg գործակալության տվյալներով՝ Դանիան նաև նախատեսում է Գրենլանդիայում իրականացնել ամբողջ տարվա ընթացքում անցկացվող ռազմական վարժանքներ։
Նշենք, որ դանիական կողմն արդեն իսկ Գրենլանդիա է ուղարկել 58 զինծառայող՝ երկրի բանակի շտաբի պետ Պետեր Բոյսենի գլխավորությամբ։ Այս քայլը դիտարկվում է որպես նախատեսվող ավելի լայն ռազմական ծրագրերի առաջին փուլ։
Հավելենք, որ Գրենլանդիայի իշխանությունները կոչ են արել տեղի բնակիչներին նախապատրաստվել հնարավոր ռազմական հակամարտությանը։
