7 անձ ենթարկվել են վարչական ձերբակալման. նոր մանրամասներ Երևանում տեղի ունեցած իրանցիների ցույցից

Իրանի Իսլամական Հանրապետության դեսպանատան դիմաց ընթացող հավաքի անվտանգությունը ՆԳՆ ոստիկանության կողմից պատշաճ ապահովվում է։ Այս մասին Auroranews-ին հայտնեղ ՆԳՆ խոսնակ Նարեկ Սարգսյանը:

«Երթն արտոնված չէ, այդ իսկ պատճառով արգելվել է երթի իրականացումը, ինչպես նաև հավաքի ընթացքում 7 անձ «Վարչական իրավախախտումների վերաբերյալ» օրենսգրքի 182-րդ հոդվածով (Ոստիկանության ծառայողի օրինական պահանջը չկատարելը) նախատեսված արարք կատարելու համար ենթարկվել են վարչական ձերբակալման։

ՆԳՆ ոստիկանությունը շարունակելու է իրականացնել օրենքով իրեն վերապահված լիազորությունները՝ ապահովելով հասարակական կարգը»,- ասաց Նարեկ Սարգսյանը:

Հիշեցնենք՝ այսօր Երևանում Իրանի Իսլամական Հանրապետության դեսպանատան մոտ կրկին բողոքի ակցիա է իրականացվել։ Ինչպես հայտնում է «Ազատություն»-ը, իրավիճակը լարվել է այն բանից հետո, երբ մասնակիցները փորձել են երթով շարժվել դեպի Կապույտ մզկիթ։