Միացյալ Նահանգները կոչ է արել իր քաղաքացիներին անհապաղ լքել Իրանը
ԱՄՆ Պետդեպարտամենտը կոչ է արել ամերիկացի քաղաքացիներին անհապաղ լքել Իրանը՝ խորհուրդ տալով ցամաքային երթուղիներով գնալ Հայաստանով կամ Թուրքիայով։ Այս մասին ասվում է Պետդեպարտամենտի կայքում տեղադրված արտակարգ հայտարարության մեջ։
Զգուշացման մեջ նշվում է, որ ԱՄՆ անձնագիր ունենալը կարող է հիմք հանդիսանալ Իրանի իշխանությունների կողմից կալանքի համար։ Քաղաքացիներին նաև խորհուրդ է տրվում ակնկալել ինտերնետի խափանումներ և նախապես պլանավորել այլընտրանքային հաղորդակցությունները։
«ԱՄՆ քաղաքացիները պետք է ակնկալեն ինտերնետի հետագա խափանումներ, պլանավորեն այլընտրանքային հաղորդակցությունները և, եթե դա անվտանգ է, դիտարկեն Իրանից ցամաքային ճանապարհով դեպի Հայաստան կամ Թուրքիա մեկնելու հնարավորությունը», - ասվում է Պետդեպարտամենտի հայտարարության մեջ։
