Ադրբեջանը դիմել է FIS-ին՝ դժգոհելով հայ մարզիկի գործողություններից
Ադրբեջանի զբոսաշրջության պետական գործակալությունը պաշտոնական դիմում է ուղարկել Դահուկային սպորտի և սնոուբորդի միջազգային ֆեդերացիային (FIS)՝ կապված Իտալիայում անցկացված Tour de Ski մրցաշարի ընթացքում հայ դահուկորդ Միքայել Միքայելյանի վարքագծի հետ։ Ադրբեջանի լրատվամիջոցների փոխանցմամբ՝ մարզիկը մրցման ժամանակ իր մարզահագուստի վրա փակել է «Ադրբեջան» գրությունը։
Ըստ նույն աղբյուրների՝ ադրբեջանական կողմը դիմումում ընդգծել է համագործակցության շրջանակում վերահսկողական մեխանիզմների խստացման անհրաժեշտությունը։ Նշվում է, որ 2025 թվականի մայիսին FIS-ը հինգ տարվա հովանավորչական պայմանագիր է կնքել Ադրբեջանի զբոսաշրջության պետական գործակալության հետ։
FIS-ը Միքայել Միքայելյանի նկատմամբ կիրառել է տուգանք։ Հայ մարզիկը հայտարարել է, որ որևէ սխալ թույլ չի տվել։
