Մեդեվեդևը «Mariner» տանկերի առգրավումը կանխատեսելի քայլ է համարել

Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ «Mariner» տանկերի վրա ռուսական դրոշը բարձրացնելու ժամանակավոր թույլտվությունը, որը հետապնդել են ամերիկացիները, կանխատեսելի հետևանքներով քայլ է եղել։

«Ակնհայտ է, թե ինչու է այն ժամանակավորապես դրոշի տակ դրվել Ռուսաստանի կողմից. գրավման սպառնալիքի տակ այն պաշտպանություն էր փնտրում ամերիկյան անօրինական պատժամիջոցներից։ Սակայն ընտրված մեթոդը լիովին անհամարժեք էր»,- գրել է Մեդվեդևը իր Telegram-ի ալիքում։

Նա ընդգծել է, որ ամերիկացիների կողմից տանկերի գրավումը «Ծովային իրավունքի մասին ՄԱԿ-ի 1982 թվականի կոնվենցիայի ակնհայտ խախտում» է եղել։

«Սակայն արժե հիշել, որ Միացյալ Նահանգները այն չի վավերացրել։ Այս համատեքստում մեր երկրի ժամանակավոր դրոշի բարձրացումը այն նավի վրա, որը, թեև անօրինական կերպով հետապնդվում է մեր գլխավոր աշխարհաքաղաքական հակառակորդի կողմից, որը գտնվում է անկայուն վիճակում, քայլ է կանխատեսելի հետևանքներով»,- ընդգծել է Ռուսաստանի Անվտանգության խորհրդի փոխնախագահը։