Իրանում բողոքի ցույցերի ժամանակ 35 մարդ է սպանվել, 1200-ը՝ ձերբակալվել. ԶԼՄ-ներ

Իրանում 9 օր շարունակվող փողոցային ցույցերի ընթացքում զոհվել է առնվազն 35 մարդ, իսկ ավելի քան 1200 ցուցարար ձերբակալվել է: Այս մասին հայտնել է Deutsche Presse-Agentur (dpa) գործակալությունը:

Գործակալության տվյալներով՝ դեկտեմբերի վերջին Իրանում բողոքի ցույցեր են տեղի ունեցել առնվազն 88 քաղաքներում կամ երկրի 31 նահանգներից 27-ում: Ինչ-որ պահի իրանցի ուժայինները սկսել են ուժ կիրառել ցուցարարների դեմ, հատկապես փոքր բնակավայրերի ակցիաների ժամանակ, գրում են իրավապաշտպանները: Նման գործողությունները բողոքի նոր ալիք են հրահրել խոշոր քաղաքներում, այդ թվում՝ Մաշհադում և Իրանի մայրաքաղաք Թեհրանում: Ցույցերին միացել են հանրապետության առնվազն 17 բուհերի ուսանողներ։

Ի պատասխան, ըստ ուսանողական լրատվամիջոցների, ուժայինները սկսել են ռեյդեր իրականացնել համալսարանի տարածքում: Իրանում զանգվածային ցույցերի ընթացքում 35 զոհվածների թվում 29-ը ցուցարարներ են, 4-ը՝ երեխաներ, ևս 2-ը՝ անվտանգության ուժերի աշխատակիցներ:

ԶԼՄ-ների տվյալներով՝ ուժայինները փորձել են զենք օգտագործել Կուխդեշտում ցույցը ցրելու համար։ Ցույցերը երկրում մեկնարկել են ազգային արժույթի կտրուկ անկման պատճառով: