Եմենում արտակարգ դրություն է հայտարարված

Եմենի իշխանությունները 90-օրյա արտակարգ դրություն են հայտարարել ամբողջ երկրում, այս մասին հաղորդում է «Ալ Արաբիա»-ն։

«Եմենի նախագահական կառավարման խորհրդի նախագահ Ռիշադ ալ-Ալիմին նաև հայտարարել է Եմեն մուտք գործելու բոլոր կետերի 72-ժամյա օդային, ցամաքային և ծովային շրջափակման և 90-օրյա արտակարգ դրության մասին, որը, նրա խոսքով, կարող է երկարաձգվել», - նշվում է հաղորդագրության մեջ։

Կառավարությունը նաև պահանջել է 24 ժամվա ընթացքում դուրս բերել Արաբական Միացյալ Էմիրությունների (ԱՄԷ) բոլոր ուժերը երկրից։ Ալ-Ալիմին հայտարարել է, որ Եմենի ղեկավարությունը «երբեք չի տատանվել ահաբեկչական սպառնալիքներին դիմակայելու հարցում» և մեղադրել է հարավը վերահսկող Հարավային անցումային խորհրդին (ՀԱԽ) վեճերը լուծելու և որոշումներ կայացնելու պատրաստակամության մեջ։

«Ալ-Ալիմին նաև «էսկալացիայի քայլ» է անվանել ԱՄԷ-ի Ֆուջեյրա քաղաքից Հարավային անցումային խորհրդին երկու նավերով զենքի տեղափոխումը», - ասվում է հրատարակության մեջ։