ԱԱԾ նախկին պաշտոնյից հօգուտ Հայաստանի կբռնագանձվի խոշոր չափի գումար

ԱԱԾ նախկին պաշտոնյա Սերոբ Հարությունյանից հօգուտ ՀՀ-ի կբռնագանձվի 207,452,083 ՀՀ դրամ՝ ապօրինի ծագման գույքի բռնագանձման վարույթի շրջանակներում։ Հակակոռուպցիոն դատարանը՝ դատավոր Կարապետ Բադալյանի նախագահությամբ, բավարարել է ՀՀ գլխավոր դատախազության հայցը։

Ըստ վճռի՝ որպես ապօրինի ծագման գույք հօգուտ ՀՀ-ի կբռնագանձվի Հյուսիսային պողոտայում անշարժ գույքը, ավտոտնակները, ինչպես նաև Չեխովի փողոցում գտնվող անշարժ գույքի՝ Հարությունյանի մասը։ Բացի այդ, վճռով հօգուտ ՀՀ-ի կբռնագանձվի 226,800 ՀՀ դրամ՝ որպես Չեխովի փողոցում գտնվող տան վարձակալության դիմաց մեկ ամսվա՝ 2021թ․ ունվարի ստացված վարձավճարի գումար, 2,691,093 ՀՀ դրամ, որպես ապօրինի եկամուտներով չհիմնավորվող, ապօրինի ծագում ունեցող, որը փոխանցվել է բարեխիղճ ձեռքերողի կամ հնարավոր չէ նույնականացնել և բռնագանձել, 204,534,190 ՀՀ դրամ, որպես ապօրինի եկամտի մնացորդ, որը հանդիսանում է ապօրինի ծագում ունեցող գույքերի վերափոխման կամ օգտագործման արդյունքում առաջացած գումար։

Սերոբ Հարությունից դրամական միջոցների բռնագանձման պահանջը դատարանը բավարարել է ինչպես Սերոբ Հարությունյանի անունով հաշվառված օրինական գույքերի, այնպես էլ Հարություն Հարությունյանի անունով գրանցված, սակայն Օրենքի իմաստով Սերոբ Հարությունյանին պատկանող ավտոմեքենան։ Գլխավոր դատախազության հայցըւ մնացած մասով մերժվել է։