Կրթության նախկին նախարար Լևոն Մկրտչյանն ու ընտանիքի անդամները հրավիրվել են դատախազություն

 ՀՀ դատախազություն են կանչվել նախկին նախարար Լևոն Մկրտչյանն ու նրա ընտանիքի անդամները։

Ծանուցումը վերաբերում է Ապօրինի ծագում ունեցող գույքի բռնագանձման վարույթի:

«ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր»,-ասված է Մկրտչյանին ու նրա ընտանիքի անդամներին հասցեագրված ծանուցման մեջ։

Դատախազություն են կանչվել նաև Կրթության և գիտության նախկին նախարարի դուստրը, եղբայրը, եղբոր դուստրը և այլք։