Պուտինը Անվտանգության խորհրդի հետ քննարկել է ԱԲ-ի զարգացումը
Ռուսաստանի նախագահ Վլադիմիր Պուտինը անցկացրել է Անվտանգության խորհրդի մշտական անդամների ավանդական ուրբաթօրյա օպերատիվ խորհրդակցություն։ Քննարկման առանցքային թեման եղել է արհեստական բանականության զարգացումը՝ երկրի պաշտպանության և ազգային անվտանգության ապահովման տեսանկյունից։
Ռուսաստանի Նախագահը նշել է, որ օրակարգում մի քանի հարց կա, առաջինը՝ պաշտպանության և անվտանգության շահերից բխող արհեստական բանականության զարգացման լրացուցիչ միջոցառումների մասին։ Այդ հարցով զեկուցել է պաշտպանության նախարար Անդրեյ Բելոուսովը։
Պուտինը բազմիցս ընդգծել է, որ արհեստական բանականության զարգացումը կարող է դառնալ տեխնոլոգիական խոշորագույն բեկում և պետք է իրականացվի ներդաշնակ կերպով։
Ռուսաստանի առաջնորդի խոսքով՝ այդ գործընթացը չպետք է հանգեցնի փակ «էլիտար խմբերի» ձևավորմանը, որտեղ մյուսները պարզապես կսահմանափակվեն տեխնիկական գործողություններով։
