ՀՀ 2-րդ նախագահի նախկին խոսնակ Վիկտոր Սողոմոնյանն ու ընտանիքը հրավիրվել են դատախազություն
ՀՀ 2-րդ նախագահ Ռոբերտ Քոչարյանի նախկին խոսնակ Վիկտոր Սողոմոնյանը, նրա հայրը՝ նախկին պատգամավոր Էռնեստ Սողոմոնյանն ու նրանց ընտանիքի այլ անդամներ հրավիրվել են դատախազություն:
«Ազդարար» կայքում հրապարակված ծանուցումից պարզ է դառնում, որ հրավիրվել են «Ապօրինի ծագում ունեցող գույքի բռնագանձման վարույթի վերաբերյալ»։ Գլխավոր դատախազությունը Էռնեստ Միխայելի Սողոմոնյանին պատկանող գույքի առնչությամբ ուսումնասիրությունը սկսել է դեռևս 2023 թվականի հունվարի 27-ին
ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն է կանչվել նաև ՀՀ ԱԺ «Հայաստան» խմբակցության պատգամավոր Աղվան Վարդանյանը։ Դատախազության համապատասխան վարչությունը նաև Վարդանյանի գույքի վերաբերյալ ուսումնասիրություն է կատարել և նրան հրավիրել է ծանոթանալու գործի նյութերին և ներկայացնելու հայտարարագիր։
