Մոսկվան և Վաշինգտոնը մոտեցել են ուկրաինական հակամարտության կարգավորմանը․ Ռյաբկով
Մոսկվան և Վաշինգտոնը մոտեցել են ուկրաինական հակամարտության կարգավորմանը։ Այս մասին հայտնել է Ռուսաստանի փոխարտգործնախարար Սերգեյ Ռյաբկովը։
Նա ենթադրել է, որ 2025 թվականի դեկտեմբերի 25-ը կհիշվի որպես այն կարևորագույն իրադարձությունը, երբ կողմերը մոտեցել են կարգավորմանը։
«Կարո՞ղ ենք մենք վերջնական քայլ անել և համաձայնության հասնել, կախված է մյուս կողմի քաղաքական կամքից»,- ասել է դիվանագետը՝ նշելով, որ Ուկրաինան և նրա ԵՄ հովանավորները, որոնք հանձնառու չեն կարգավորմանը, կրկնապատկել են իրենց ջանքերը՝ «համաձայնագիրը տապալելու» համար։
Ռյաբկովը նաև կարծում է, որ անտեղի է խոսել կարգավորման ավարտման ժամկետների մասին, քանի որ արհեստական ժամկետներն ու վերջնաժամկետները չեն նպաստում իրական աշխատանքին։ Նրա կարծիքով՝ «մենք պետք է կենտրոնանանք էության վրա, այլ ոչ թե պարզապես նայենք օրացույցին»։
Դիվանագետը ընդգծել է, որ Ռուսաստանը լիովին պատրաստ է, և նմանատիպ մոտեցում է սպասվում նաև մյուս կողմից։ Ռուսաստանի փոխարտգործնախարարը նշել է, որ «որոշ մարդիկ դեմագոգիկորեն են խոսում այլ ժամկետների մասին», պնդելով, որ Մոսկվան «կարող է վաղը վերջ դնել այս հակամարտությանը»։
«Սա հարցը դնելու նողկալի ձև է, որը լիովին հերքում է այն ամենը, ինչ մենք տարիներ շարունակ բացատրել ենք Արևմուտքին և ամբողջ միջազգային հանրությանը՝ երկարատև բանակցային նիստերի և բարձր մակարդակի ելույթների միջոցով. առանց այս ճգնաժամի արմատական պատճառը հանդիսացող խնդիրների պատշաճ լուծման, որոնք լուծումներ են պահանջում, վերջնական համաձայնության հասնելու ոչ մի ճանապարհ չի լինի»,- հայտարարել է Ռյաբկովը։
