Քաղաքականություն

ԱՄՆ զինուժը հարվածել է Նիգերիայում ԻՊ խմբավորմանը. Թրամփ

ԱՄՆ զինուժը հարվածել է Նիգերիայում ԻՊ խմբավորմանը. Թրամփ
ԱՄՆ նախագահ Դոնալդ Թրամփը հայտնել է, որ ամերիկյան զինուժն իր հրամանով հարվածներ է հասցրել Նիգերիայի հյուսիս-արևմտյան մասում գործող «Իսլամական պետություն» ահաբեկչական խմբավորմանը։ Թրամփը ջիհադիստներին…

ԱՄՆ նախագահ Դոնալդ Թրամփը հայտնել է, որ ամերիկյան զինուժն իր հրամանով հարվածներ է հասցրել Նիգերիայի հյուսիս-արևմտյան մասում գործող «Իսլամական պետություն» ահաբեկչական խմբավորմանը։


Թրամփը ջիհադիստներին անվանել է «ահաբեկչական ստորին խավ» և նշել, որ նրանք «հարձակվում և դաժանորեն սպանում էին հիմնականում անմեղ քրիստոնյաների այնպես, որ չէր եղել տարիներ, անգամ դարեր շարունակ»


«Ես նախկինում զգուշացրել էի այդ ահաբեկիչներին, որ եթե չդադարեցնեն քրիստոնյաների սպանությունները, ստիպված կլինեն թանկ վճարել, և դա տեղի ունեցավ, – գրել է ԱՄՆ նախագահը: – Պատերազմի նախարարությունը (այսպես է Թրամփը վերանվանել Պենտագոնը) հասցրել է բազմաթիվ կատարյալ հարվածներ՝ այնպես, ինչպես կարող են միայն Միացյալ Նահանգները»:


«Թող Աստված օրհնի մեր զինվորներին և բոլորին ՇՆՈՐՀԱՎՈՐ ՍՈՒՐԲ ԾՆՈՒՆԴ, ներառյալ մահացած ահաբեկիչներին, որոնց թիվը շատ ավելի կմեծանա, եթե չդադարեցնեն քրիստոնյաների սպանությունները»,- եզրափակել է Թրամփը:


ԱՄՆ նախագահը չի մանրամասնել, թե կոնկրետ որ օբյեկտներ են հարվածել:


ԱՄՆ զինված ուժերի Աֆրիկյան հրամանատարությունը (AFRICOM) X սոցիալական ցանցում հայտարարել է, որ հարվածները հասցվել են «Նիգերիայի իշխանությունների խնդրանքով»:


AFRICOM-ի տվյալներով՝ հարվածների հետևանքով սպանվել են «ԻՊ-ի բազմաթիվ ահաբեկիչներ»:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8263) Միջազգային (3567) ԱՄՆ (2406) Ռուսաստան (2321) Իրան (1807) Ընտրություններ (1286) Ուկրաինա (944) Երևան (830) Իսրայել (771) Ադրբեջան (688) Փաշինյան (623) Եվրոպա (539) Ազգային ժողով (527) Ընդդիմություն (504) Թրամփ (464)

Radio Aurora

Լսել Radio Aurora

Գովազդային տարածք

300x250