Վրաստանը Ռուսաստանի նկատմամբ վարում է հստակ, պրագմատիկ քաղաքականություն․ Կոբախիձե

Վրաստանը Ռուսաստանի նկատմամբ վարում է հստակ, պրագմատիկ քաղաքականություն՝ ելնելով սեփական շահերից։ Այս մասին հայտարարել է Վրաստանի վարչապետ Իրակլի Կոբախիձեն։

«Ռուսթավի 2»-ին տված հարցազրույցում նա նշել է, որ Թբիլիսին կառուցում է իր հարաբերությունները Մոսկվայի հետ՝ չնայած դիվանագիտական ​​հարաբերությունների բացակայությանը և շարունակվող տարածքային հակամարտություններին։

Կոբախիձեի խոսքով՝ իր պրագմատիկ մոտեցմամբ վրացական կողմը հաշվի է առնում «կարմիր գծերը, որոնք կապված են օկուպացիայի թեմայի հետ»։ Վրաստանի վարչապետը ընդգծել է, որ մինչև Աբխազիայի և Հարավային Օսիայի կարգավիճակը չփոխվի՝ երկրների միջև դիվանագիտական ​​հարաբերությունների վերականգնումը անհնար է։