ՌԴ-ն պատերազմի պատճառով լուրջ տնտեսական դժվարությունների է բախվում․ The Washington Post
Ռուսաստանն Ուկրաինայում ընթացող պատերազմի պատճառով լուրջ տնտեսական դժվարությունների է բախվում և 2026 թվականին իրավիճակը կարող է զգալիորեն վատթարանալ, հայտնում է The Washington Post-ը:
Պարբերականը գրում է, որ Չնայած ԱՄՆ նախագահ Դոնալդ Թրամփի հայտարարություններին, թե Ռուսաստանն իբր պահպանում է Ուկրաինայի դեմ պատերազմում առավելությունները՝ երկրի տնտեսական վիճակը հակառակն է փաստում:
Հաղորդվում է, որ Ռուսաստանի նախագահ Վլադիմիր Պուտինը ծախսել է դրամական պահուստների և փոխառու միջոցների զգալի մասը, որոնք նախկինում ապահովել են ռազմական ծախսերը, իսկ առջևում նոր ֆինանսական փորձություններ են:
Ռուսաստանի նավթային հատվածի դեմ ԱՄՆ-ի նոր խիստ պատժամիջոցները մեծացնում են բյուջեի դեֆիցիտը և լրացուցիչ ռիսկեր ստեղծում ֆինանսական համակարգի համար:
Սահմանափակումները վերաբերում են խոշորագույն ընկերություններին, ներառյալ՝ «Ռոսնեֆտը» և «Լուկօյլը», ստիպելով Մոսկվային նավթի մեկ բարելի համար 20 դոլարը գերազանցող զեղչեր տրամադրել։ Փորձագետները նշում են, որ նավթագազային արդյունաբերությունը գլորվում է դեպի ճգնաժամ և նոր միջոցառումները միայն արագացնում են այդ գործընթացը։
The Washington Post-ը գրում է, որ տնտեսագետներն ընդգծում են՝ 2026 թվականը կարող է դառնալ առաջին տարին, երբ պատերազմն իրապես ծանր կլինի ռուսաստանյան տնտեսության համար։
