Իրանի հետ նոր պատերազմը լուրջ հետևանքներ կունենա Իսրայելի համար․ պատգամավոր

Իսրայելի ֆինանսների նախարարության բարձրաստիճան պաշտոնյաները խոր մտահոգություն են հայտնել Իրանի հետ հնարավոր նոր ռազմական գործողությունների տնտեսական հետևանքների վերաբերյալ։ Այդ մասին տեղեկությունը հրապարակել է իսրայելական «YnetGlobal» պորտալը։

Ֆինանսների նախարարության բարձրաստիճան ներկայացուցիչը նշել է, որ Իրանի հետ նոր պատերազմը պետք է դիտարկվի չափազանց լուրջ տնտեսական տեսանկյունից, քանի որ տնտեսությանը հասցված վնասը կարող է լինել հսկայական։

Նրա խոսքով՝ լրացուցիչ պաշտպանական ծախսերը, ինչպես նաև ընտանիքներին ու բիզնեսներին հասցված ուղղակի և անուղղակի վնասների փոխհատուցումը կարող են կառավարությանը կանգնեցնել երեք անցանկալի ընտրության առաջ՝ պետական բյուջեի դեֆիցիտի ավելացում, բյուջետային շրջանակների կրկնակի խախտում մինչև 2026 թվականի բյուջեի լիարժեք հաստատումը, ինչպես վերջին երկու տարիներին, նախարարություններում կտրուկ ֆինանսական կրճատումներ և հնարավոր նոր հարկերի ներդրում։

Պաշտոնյաները նշել են, որ վերջին տարբերակը հատկապես քաղաքականապես ռիսկային է ընտրական տարում և կարող է առաջացնել լուրջ դժգոհություն։