ԱՄՆ զինուժը հարվածել է թմրանյութեր փոխադրող ևս մեկ նավի

ԱՄՆ զինուժը  հայտարարել է, որ Խաղաղ օվկիանոսի արևելյան մասում հարված է հասցրել թմրանյութեր փոխադրող նավի՝ սպանելով մեկ անձի:

ԱՄՆ Հարավային հրամանատարության սոցիալական ցանցերում հրապարակված գրառման մեջ նշվում է. «Հետախուզական տվյալները հաստատել են, որ ցածր պրոֆիլի նավը շարժվում էր Խաղաղ օվկիանոսի արևելյան մասում հայտնի թմրանյութերի փոխադրման ուղիներով և զբաղված էր թմրանյութերի փոխադրմամբ»: Հրամանատարությունը որևէ ապացույց չի ներկայացրել նավի թմրանյութեր փոխադրելու մասին:

Թրամփի վարչակազմը հայտարարել է, որ նման հարվածները միտված են ԱՄՆ թմրանյութերի հոսքը կանխելուն և Վենեսուելայի նախագահ Նիկոլաս Մադուրոյի վրա ճնշումն ուժեղացնելուն: